МАШҚИ ПАГОҲИРӮЗӢ БАХШИДА БА РӮЗИ ВАРЗИШГАРОН
2025-08-11 09:22:23 | Диданд: 256
Баҳри иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади таҳкими тарзи ҳаёти солим ва оммавӣ гардонидани варзиш таҳти унвони "МИЛЛАТИ ҶИСМАН СОЛИМ-РӮҲАН НИЗ МУҚТАДИР ВА ШИКАСТНОПАЗИР АСТ" 9 августи соли 2025 дар саҳни Муассисаи давлатии Боғи фарҳанги фароғатии Куруши Кабир бо иштироки намояндагони вазорату идораҳо, аз ҷумла намояндагони Вазорати нақлиёти Ҷумҳурии Тоҷикистон машқи пагоҳирӯзӣ баргузор гардид.
Машқи пагоҳирӯзӣ бо иштироки ҷоизадори Бозиҳои олимпӣ ва паҳлавони маъруфи тоҷик Давлат Болтаев баргузор шуд.
Варзиш яке аз василаҳои муҳимми ҳифзу таҳкими саломатии аҳолӣ, қосиди сулҳу субот, омили ташаккулдиҳандаи нерӯву тавоноии инсон ва инъикоскунандаи симои халқу миллат дар арсаи ҷаҳон ба ҳисоб меравад.
Аз ин рӯ бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон нақшаи баргузории машқҳои оммавӣ – варзишӣ, солимгардонӣ ва пагоҳирӯзӣ таҳти унвони «Зебоӣ, тавоноӣ ва доноӣ аз варзиш аст» тасдиқ гардидааст, ки дар асоси нақшаи мазкур кормандони вазорату идораҳо бояд дар рӯзҳои муайянгардида дар машқҳои пагоҳирӯзӣ иштирок намоянд.
Аз ин рӯ бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон нақшаи баргузории машқҳои оммавӣ – варзишӣ, солимгардонӣ ва пагоҳирӯзӣ таҳти унвони «Зебоӣ, тавоноӣ ва доноӣ аз варзиш аст» тасдиқ гардидааст, ки дар асоси нақшаи мазкур кормандони вазорату идораҳо бояд дар рӯзҳои муайянгардида дар машқҳои пагоҳирӯзӣ иштирок намоянд.
Ҳадафи асосии ин чорабинӣ — тарғиби тарзи ҳаёти солим, ҷалби бештари ҷавонон ба варзиш, ва арҷгузорӣ ба заҳмату дастовардҳои варзишгарони тоҷик мебошад.
