25.07.2025.  Дар маҷлисгоҳи Вазорати нақлиёти Ҷумҳурии Тоҷикистон бахшида ба Рӯзи касбии кормандони соҳаи нақлиёти автомобилӣ ҷамъомади тантанавӣ бо иштироки кормандон ва собиқадорони соҳа баргузор гардид.
Дар ин ҳамоиши тантанавӣ Вазири нақлиёти Ҷумҳурии Тоҷикистон Азим Иброҳим кормандони соҳаро бо Рӯзи кормандони нақлиёти автомобилии Тоҷикистон табрик гуфт. Азим Иброҳим дар ин чорабинии тантанавӣ аз дастовардҳои ин соҳаи муҳим зери роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар шуд.
Вазири нақлиёт саҳми ҳамаи муассиса, кормандон, фаъолон ва собиқадорони соҳаро ҷиҳати ноил шудан ба ин дастоварҳо арзанда ва муҳим арзёбӣ намуд.
Бо фармоиши Вазири нақлиёт 15 нафар бо нишони сарисинагии  «Нақлиётчии фахрӣ» ва 13 нафар бо Ифтихорномаи Вазорат сарфароз гардонида шуданд, ки миёни онҳо кормандони фаъоли Мусассисаи давлатии «Нақлиёти автомобилӣ ва хизматрасонии логистикӣ» низ шомиланд.
Бо ин тартиб Дилмурод Абдуллозода - сармуҳосиби муассиса, Еров Оятулло – сармутахассис, Тоирзода Ҷаҳонгир - сардори РМД "НА ва ХЛ" дар вилояти Суғд  бо медали нақлиетчии фахрӣ ва Ғуломзода Камол сардори шуъба бо Ифтихорномаи Вазири нақлиёт сафароз гардонида шуданд.
Дар идомаи таҷлили Рӯзи кормандони нақлиёти автомобилии Тоҷикистон як қатор кормандони Мусассисаи давлатии «Нақлиёти автомобилӣ ва хизматрасонии логистикӣ» бо Ифтихорномаи муассиса сарфароз гардонида шуданд.