Бо мақсади фарогирии воситаҳои нақлиёти ҳамлу нақли бору мусофирон бо варақаи роҳхату борхат ва ҷиҳати баҳисобгирии пурраи ҳисоботи оморӣ  аз 13 то 28 майи соли 2024-ум дар шаҳру ноҳияҳои мамлакат амалиёти “Роҳхату борхат” гузаронида мешавад. Ҳаминро бояд гуфт, ки амалиёти мазкур дар асоси фармоиши сардори Хадамоти давлатии назорат ва танзим дар соҳаи нақлиёт аз 6 майи соли 2024, №39 “Оид ба гузаронидани амалиёти “Роҳхату борхат” ва банди 6-и Оинномаи МД “Нақлиёти автомобилӣ ва хизматрасонии логистикӣ”, ки бо фармоиши Вазири нақлиёти Ҷумҳурии Тоҷикистон аз 28 июли соли 2017, №172 тасдиқ шудааст амали мегардад. Дар ин замина намояндагони Раёсатҳои МД “Нақлиёти автомобилӣ ва хизматрасонии логистикӣ” дар вилоятҳо (минтақаҳо) ва шуъбаҳои дахлдори идораи марказӣ вазифадор карда шудаанд, ки дар якҷояги бо кормандони раёсатҳои минтақавии Хадамоти давлатии назорат ва танзим дар соҳаи нақлиёт гуруҳҳои корӣ ташкил намуда, масъалаҳои риоя намудани истифодабарии талаботи Дастурамалҳои роҳхату борхат, дақиқ ба роҳ мондани ҳисоботи омории нишондиҳандаҳои  асосии соҳа  ва коркарди электронии онҳоро дар нуқтаҳои аввалу охири хатсайрҳо, терминалҳо, истгоҳҳои баркашӣ, нуқтаҳои назоратӣ ва дар корхонаю ҷамъиятҳои нақлиёти автомобилӣ мавриди таҳлил қарор бидиҳанд.